La Bargeda è ena purscheida dalla Scola da musica Grischun Central per unfants tgi cantan gugent ansemen. Nous vagn plascheir da cantar, scolar la vousch e sa muantar. Cun cantar vign er promoveida la musicalitad e l’udeida digls unfants ed els dastgan far belas experientschas communablas. Da curt è la Bargeda sa participada cun success agl festival svizer da chors per unfants e giuvenils a Neuchâtel. La fegnameira da La Bargeda è da realisar dus projects ad onn, repartias sur l’antiera regiun digl Grischun Central.

La Bargeda pitschna (unfants dalla sagonda scoligna anfignen terza classa primara) exerciteschan siva las vacanzas d'aton mintgamai glindesde dallas 16.15 bis 17.30 a Savognin

La Bargeda gronda (unfants a parteir dalla terza classa primara) exerciteschan siva las vacanzas d'aton mintgamai mesemda dallas 15.45 bis 17.15 a Savognin

Direcziun: Maria Capeder ed assistentas

Instrumaints: bass, battareia, ghitarra, piano, vocal ed oters

• Provas: tenor plan spezial.
• Lis: Savognin, Lai
• Direcziun: Francisco Gonzàlez e Denaj Krilic

Ensemble per scolars da musica a parteir dalla terza classa primara.

Ainten la Junior Band sa scontran scolars/as da musica tgi sungan pir da curt  en instrumaint. Tadlar l'egn l'oter e s'adattar agl tung èn experientschas impurtantas. Da nov porschan las dus scolas da musica vischinantas Viamala e Grischun Central chel ensemble communablamintg. Treis gruppas d'ensemble (Andeer, Tusang, Casti) furman ansemen en ensemble cun en sung voluminous. 14 provas per semester on li decentral e 4 provas per semester èn communablas. Concerts e deis da provas vignan vetiers.

• Prova mesemda, 17.00-18.00, Casti, scola Cumpogna, aula
• Direcziun: Stephan Liver

Per scolars da ghitarra tgi sungan gugent ansemen. Er oters instrumaints èn bagnnias.

• Provas: tenor plan spezial.
• Lis: Savognin, Lai
• Direcziun: Res Glättli