Diese Seite verwendet Cookies. Erfahren Sie in unserer Datenschutzerklärung mehr darüber, wie wir Cookies einsetzen und wie Sie Ihre Einstellungen ändern können.

Pertge musica?

Tge è igl muteiv da sunar en instrumaint? An amprema lengia igl plascheir da sa fatschentar cun sasez. Ensatge tgi desda sentimaints e lascha propa vibrar ena corda an noss corp. 

Tgi ischans?

La scola da musica Grischun Central è neida fundada igl onn 1979 ed è ena purscheida dalla "Regiun Albula". Da nov on igls 6 cumegns da chella regiun (Alvra, Bravuogn Filisour, Farrera, Lantsch, Surses e Vaz) incumbenso la Regiun Albula da manar anavnat la scola da musica.

17 scolasts/as instrueschan radond 350 scolars/as da musica. Noss intent è da promover igl plascheir da cantar e sunar tar unfants, giuvenils e carschias. L'instrucziun da musica fundamentala magna a l'instrucziun instrumentala e vocala; ensembles divers porschan la pussebladad da sunar e cantar an cuminanza. La scola da musica cooperescha cun las uniuns da cant e musica da nossa regiun. Tenor basigns organisescha la scola da musica ulteriouras activitads da musica scu per exaimpel emdas da cant e musica.