Teilnahme am Europäischen Jugendmusikfestival in Sneek
A Sneek (Ollandia) ò gia li igl festival europeic da musica da giuvenils digls 9 anfignen igls 11 da matg 2018. Igl ensemble JuniorBrass è sa participo ansemen cun 6000 oters musicants.
Siva en viadi da 13 ouras cun en car da la Posta ischans arrivos alla destinaziun e vagn durmia ainten ena tgesa da scola tgi è neida biageida anturn an en hostel.
L’amprema seira vagn nous fatg part alla grond’ avertura sper la tor renumada Watergate. Durant igls treis deis da festival ògl do numerous concerts sen differentas plazzas. Orchesters da sinfonia, gruppas da musica da tgombra, gruppas da Rock- e Pop anfignen alla nossa JuniorBrass – igl eran bagn represchentos tot igls stils da musica. Igls concerts eran grondious e cuzzavan savens anfignen la notg. Er nous 37 musicants vagn gia treis gedas grond success cun noss concerts.